Fliegt si oder fliegt si nit
mache d Investore mit
duet si äntlich wieder starte
oder muesch ächt no lang warte
nit wie d Swissair s isch nit gloge
isch d Frau Bachma z Lieschtel ganz schnell gfloge
Am Gotthard bisch nit duure cho
am Bölche duesch au numme stoh
d Rhystross isch au immer zue
kei Mensch het dört me sini Rueh
das si wirklich ächti Krise
und nit die vom Herr Mühlyse
z Lieschtel wird’s zur Tradition
aktie s z mache s isch e hon
alles wo ganz mies duet laufe
probiert e Aktie dir z verkaufe
scho bald so nähme mir jetzt a
chansch au Stadtroot Aktie ha
TV 3 het keini Chöle me
au s 24g chansch drum nüm gseh
d SRG die macht ei gschiss
und hofft uf Gäld dank Idee Swiss
mir würde sogarGäld go spände
wenn kein me duet uss Züri sände
Bim Inseli dört bim Migro
duen d Füürwäge nit duure cho
mir hätte d Lösig ganz banal
fahret duure Engel Saal
denn zmitzt duur d Beiz mit voller Gwalt
denn wärs dört inn au nümm so chalt
Dr Dani Muri düent guet lose
isch samt Jacke Hemli Hose
am Banntag nur es bitzli bsoffe
dur e Autowäschstross gloffe
duet ganz nass ähne use go
und isch s erscht mol suber heime cho
die Harry Potter Hysterie
muess das Theater wirklich sy
e liebe Bueb e böse Bäse
uns sie mache grad ä Wäse
mir wüsse gar nit was die wie
das hei mir vier all Dag de Hei
dr Bush dir heit das sicher ghört
het sich verschluckt und zwar wie gstört
dr Clinton Bill het numme glacht
ich ha das viel besser gmacht
es het sich eifach eini buckt
und die het denne alles …