D Graziela Klages dasch doch gstört
het zemme gloge unerhört
es sig passiert denn wieder nit
ohni Gwalt denn wieder nit
dr Clinton hoft hei mir vernoh
d Lewinski liege au eso
gütten Tagg end gütten Nott
ischesch Fryhn or ischens Spot
mir heschen wüllnen andresch synn
wos hörend gsünnt ig glöbb i spinn
so tönts im Schwyzer Färnseh Hütt
denn Walliser-Dütsch verstoht me nit
das neue Elefante-Tor
chunt eus elefantösisch vor
esone Tor es isch doch wohr
chunnt halt nur in Lieschtel vor
wenns gsesch das Elefante-Tor
chunnsch dir grad als Esel vor
e jede duet uf öppis stoh
zum Bischspiel sich verhaue z `loh
mit Läderpeitsche richtig fescht
für die einte isch das s `bescht
sich tätowiere wos nur goht
in allne Farbe blau grüen rot
über alli nit nur in d `Ohre
düen sich die einte Löcher bohre
andri hei spezieli Glüscht
nach riese grosse runde Brüscht
und z Lieschtel bim Brüggli unde
het eine gärn si Hand verbunde
mir gönge gärn dur d Beize dure
um mit de Lüt dört e chli z schnure
doch leider isch das hüte so
eifach schnure duet nüm go
zwüsche jedem Satz s isch zum weglaufe
frogt ein wilsch du Rose kaufe
zerscht duesch dr e chli EPO sprütze
das duet di Kondition stark stütze
denn wirfsch no drey vier Viagra i
damit du duesch e starke si
wenns denn nit goht göhn mir e Wett i
heisst di Fründin Martinetti
dir heit doch sicher ghört dervo
z Laufe muess dr Chefarzt go
au bi dr Polizei duets stinke
dr Schällmaa chlopft dört syny Finke
di dr UBS het e Bombe tickt
die hei dr Chef in d Wüeschti gschickt
au d Wällebyger hei eus gseit
dr Cueni heb se uuse gheit
got das so wyter dir wärdets gseh
wird`s gly nur no eus Schlümpfli geh