Mir si stolz do z dörfe singe
s fünft mol eusi Bänk do z bringe
als Publikum sit dir die beschte
dir wüset wie me recht duet feschte
es freut eus wenns euch sehr guet got
mir wärde bim liege jo gar nüm rot
Mir Schlümpfli jo mir si e so
wei mängisch an s‘ Schlumpfinchen go
zur Strof het Sie eus ihne glet
dr Blick direckt vor d‘ Auge ghebt
d `Nella druf ganz blut und cool
und sit her si mir Schlümpfli….
Im Fernseh hei mir s`letscht Johr gseh
e wunder duets die MIR no gehe
halb verrostet und voll Schutt
richtig grusig und kaputt
die Ruhmstation hätte mir grad welle
alls Kunschtobjekt ins Stedli stelle
d`Auto-bauer mit em Stärn
hei dr Elchtest gar nit gern
d`Media mache grad e gschrei
d`Mercedes seit e sauerei
es sig kei wunder kippt de Chare
e Elch cha au nit Auto fahre
Mir hei im Chliene Schlumpf verbote
gang is nit in d`fünfti Rotte
due bim Jasse jo nit bschisse
bim Boxe nit in d`Ohre bisse
blib schön brav und in de fuege
und gang dr FC Basel nie go luege
Ueberall in jedem Land
grüesst me sich das isch bekannt
guten Tag das säge d`Schwobe
Smörebröt die z Schwede obe
in Züri seit me tschüss und hoi
das die blöd schnurre isch nit neu
d `Tschamauche düen es isch zum Schreie
als Gruess vom Wage abe gheie
tschau wird gseit bi de Spagetti
dr Hasler Harry seit saletti
im Brüggli z Lieschtel hebt me d `Hand
uns seit eifach tschau mitenand
e neue Boom heit dir das gseh
jedem Depp es Natel D
und leider isch das nit verbote
jedem Huehn si eigni Rotte
und zletscht als ganz spetzielle reitz
jedem Opel Boss si Beitz
Dr neu James Bond e super Film
leider isch z viel wärbig drinn
öb Omega öb BMW
de duesch nur no Schlichwärbig gseh
die Wärberei macht eus betroffe
dr Schlümpfli Chäller wär Hüt offe